O‘tgan dam olish kunlari UzLITI Engineeringda yangi sport mavsumi boshlandi. Yangi yilda birinchilardan bo‘lib voleybol ishqibozlari startga chiqishdi.
Musobaqada kompaniyaning turli — qurilish, elektrotexnika, texnologik asbob-uskunalarni o‘rnatish, past oqim tizimlari, texnologiyalar va nazorat-o‘lchov asboblari, kompressor stansiyalari va texnik jihozlar bo‘limlaridan 6 ta jamoa (52 ishtirokchi) ishtirok etdi. Turnir formulasi 2 guruhga bo‘lingan o‘yinlarni o‘z ichiga olgan bo‘lib, har bir guruhdan ikkita eng yaxshi jamoa yarim finalga yo‘l oldi.
Aytish joizki, 72-umumta’lim maktabining sport zalida ajoyib, do‘stona muhit hukm surdi. Shu bilan birga, deyarli barcha uchrashuvlar qizg‘in kurashlar ostida o‘tdi, jamoalar orzu qilingan g‘alabani qo‘lga kiritishga intilib, g‘alabaga intilishdi.
Natijada, elektrotexnika bo‘limi jamoasi final bahsida texnoligiyalar va nazorat-o‘lchov asboblari bo‘limi voleybolchilarini mag‘lub etib, birinchi o‘rinni qo‘lga kiritdi. Ikkinchi o‘rinni texnoligiyalar va nazorat-o‘lchov asboblari bo‘limi, uchinchi o‘rinni past oqim tizimlari bo‘limining sportchilari egalladi.
E’tiborli jihati shundaki, turnirda ayollardan yagona vakil Madina Darabayeva ishtirok etdi.
— Menga bu sport turi juda yoqadi. Men uni dinamikligi, tezda to‘g‘ri o‘yin qarorlarini qabul qilish zarurati va yuqori jamoaviy ruhi uchun yaxshi ko‘raman. Bo‘sh vaqtlarimda voleybol seksiyasiga boraman, turnir haqida bilgach, bajonidil qatnashdim. Kompressor stansiyalari va texnik jihozlar bo‘limi jamoasida ishtirok etdim. G‘oliblardan ortda qolgan bo‘lsak-da, biz baribir zo‘r shijoat va yaxshi kayfiyatga ega bo‘ldik, — dedi gaz sanoatining GRP koordinatori Madina Darabayeva.
O‘zLITI Engineering sport sektori rahbari Vasiliy Patsning ta’kidlaganidek, voleybol bo‘yicha chempionat bu yil kompaniya jamoasi hayotidagi ilk sport voqeasi bo‘lib, hali oldinda turli musobaqalar kutib turibdi, eng yaqini fevral oyining birinchi yarmiga rejalashtirilgan kibersport (Counter Strike va DOTA2) bo‘yicha turnir bo‘ladi.