UzLITI Engineering tarixida yana bir yil yakunlanmoqda. Butun muddat davomida biz obunachilarimizni faoliyatimiz, loyihalarimiz va xodimlarimiz bilan tanishtirishga harakat qildik. O‘tgan davrni Samarqand shahridagi filialda faoliyat yuritayotgan hamkasblarimiz haqida qisqacha hikoya bilan yakunlashga qaror qildik.
Filial, toʻgʻrirogʻi, Temir yoʻl transporti departamenti (TYTD) — UzLITI Engineeringning nisbatan yosh boʻlimi oʻz faoliyatini 2023-yil fevral oyida boshlagan. Hozirda unda 12 nafar mutaxassis ishlaydi. Ularning vazifalarining asosiy oʻziga xosligi turli loyihalar boʻyicha temir yoʻl infratuzilmasi sohasida loyiha yechimlarini yaratishdir.
— Hozir asosiy yo‘nalishlarimiz temir yo‘l liniyalari uchun turli muhandislik inshootlarini loyihalashdan iborat, — deydi TYTD xodimi Savlat Aslamov. — Jumladan, «Tebinbuloq» konida tog‘-kon boyitish kombinati va Navoiy kon-boyitish fabrikasini qurish loyihalari bo‘yicha kichik muhandislik inshootlarini yaratish ishlari olib borilmoqda. Hozirda 3-MBF bilan bog‘liq, shuningdek, Samarqand shahrida lokomotiv deposi va stansiya obyektlari qurilishi loyihalari ustida ishlayapmiz.
Filial kompaniyaning bosh ofisidan uzoqda joylashganiga qaramay, uning xodimlari o‘zlarini UzLITI Engineering ko‘p millatli inoq jamoasining to‘laqonli a’zolaridek his qiladilar. Yangi yilda ularga ulkan muvaffaqiyatlar, shaxsiy hayotda baxt va farovonlik tilaymiz!